Ngahuia Kopa
Ka kawe ka whakamahi e Ngahuia ngā mea i ako e ia ki Te Wānanga o Aotearoa, hei painga mā ngā tamariki e tiaki nei ia.
E rua tau ki muri i whakawhiwhi ki a Ngahuia Te Tohu Mātauranga Kaiako (kura tuatahi) – He Korowai Akoranga, ā, e whakaako ana ia ki Te Wharekura o Ngā Purapura o Te Aroha ki Te Awamutu. Nō te āhua whakaako o te tohu me te taiao tautoko ki Te Wānanga o Aotearoa i whakarawe i tōnā anō whakangungu hei kaiako.
“Ko tā tātou kawenga ehara i te mea hanga noa i tētehi taiao tautoko engari he whakatupu i a tātou tamariki me te whakatupu i ngā hapori kaha, ā, koia tā te kaiako mahi ma mātou”, tāna kī. I waimarie ia ki a Te Wānanga o Aotearoa i mua i tana whakaurunga. “I taku uiui tuatahi i riro katoa taku ngākau i tēnā. I rongo au i te wairua o te kāinga i taua wā tonu, ā, i mōhio tonu au he īnati te tūāoma. Ka rongo koe i te taiao o te whānau me te mea nōu kē, ” He taiao pōwhiri i te katoa.
“Ahakoa ko wai koe, ahakoa nō whea, ka manaakitia koe e Te Wānanga o Aotearoa.”
E ai ki a ia, he tohu tēnei e puare ai ō whatu ki Te Ao Māori, he mea pai mo ngā kaiako katoa. “Ahakoa kei raro koe i te marau auraki, ka taea e te kaiako te whakataurite me ōnā karu ao māori nei. Na, ahakoa tō noho ki te ao auraki, he tūāpapa tonu tōu ki Te Ao Māori. He tohu ngāwari”
Engari ko te tautoko nui o tana kaiako i titi ki te ngākau o Ngahuia. “I mōhio ō mātou kaiako me te kite i te wā e raru ana mātou, ā, ka tōia mātou ki te taha kia mōhio rātou he aha te aha, ahakoa ngā mea o waho i te tohu, i te mea e huri tonu ana te ao, ā, kei tēnā tōnā ake mātaitanga. Ka tāea e rātou te kume i a koe ki roto, ka whakamahara ki a koe he aha koe e mahi ana i tāu e mahi nei, me te take i tae mai ai koe, he mea pai. “
Heoti, i te ara ako he wero e kōkirikiri atu ana i ngā ākonga katoa, me te whakatenatena a Ngahuia ki a rātou kia ngākau titikaha. “Ki te hiahia tētehi ki te whai i te mahi whakaako me te hiahia ki te mahi i te tohu me Te Wānanga o Aotearoa, kia pono, me ū ki te take e hiahia ana koe ki te whakaako. Kaua e waiho mā te katoa o ngā tuhinga me ngā aromatawai koe e huri tuarā. Me tino tautoko koe e te whānau i te kāinga, i te mea ka kitakita, ā, me te nui o te tautoko ka tāea e mātou.
Ko Te Wānanga o Aotearoa te nuinga o taua tautoko, e ai ki a ia. “Ko Te Wānanga o Aotearoa hemea whakamīharo e rite ana ki te kāinga. He whānau atu anō. “